落大雨彼一日

彼早起呀落大雨
落甲彼下埔
为欲等伊
害阮衫裤渥甲淡糊糊
啊～
爱情算来甘带苦
表示初恋的热度
想起来也是为着
幸福的前途
今日又来想起彼时
在落雨街路

彼早起呀落大雨
落甲彼黄昏
两人讲话太过兴奋
不惊雨大阵
啊～
伊讲父母不允准
甘愿看破从孝顺
讲起来真是误着
宝贵的青春
今日落雨想起彼时
心头愈忧闷

彼早起呀落大雨
落甲彼半暝
雨水清冷伴阮行到
寂静的深更
啊～
伤心提到要分离
两人揽着目屎滴
想起来总是一项
可惜的代志
今暗落雨亲像彼暝
加添心稀微