亚木卖猪肉

(白):賣豬肉呀喂! 阿三姑呀, 幫襯買斤豬肉啦!
(白):靚唔靚?
(白):包靚!
(白):俾斤嚟啦!
(白):好哇!

我書少去讀, 走去賣豬肉
去幫襯啦阿姑, 好靚上層肉
肥豬踭, 煲老藕, 好過吔三六

做落呢行我人面最熟, 生意入息最好我阿木
人人幫呀襯呀, 喂師奶共阿叔
上豬腰, 豬肚腩, 好靚嘅瘦肉

大姑嚟買我定必計到平呢
喂邊個都知道, 我木記陸阿木
人人買到熟, 我斤兩稱到足
總之便宜冇搵丁將你捉
你唔使慌, 包夠稱, 相信我阿木

豬潤、豬腸、豬尾, 嗱嗱做餸最好煲粥
尤其是豬腦燉玉竹, 包你食過認真舒服

(白):喂! 奀妹呀, 幫襯買斤豬肉啦!
(白):今日大贈送呀, 買一斤送一斤!
(白):係呀? 係唔係嘅啫?
(白):係!
(白):俾斤嚟啦, 你係得嘅!

我書少去讀, 走去賣豬肉
去幫襯啦阿姑, (喂)好靚上層肉
肥豬踭, 煲老藕, 好過吔三六

做落呢行我人面最熟, 生意入息最好我阿木
人人幫呀襯呀, 喂師奶共阿叔
上豬腰, 豬肚腩, 好靚嘅瘦肉

大姑嚟買我定必計到平呢
喂邊個都知道, 我木記陸阿木
人人買到熟, 我斤兩稱到足
總之便宜冇搵丁將你捉
你唔使慌, 包夠稱, 相信我阿木

豬潤、豬腸、豬尾, 嗱嗱做餸最好煲粥
尤其是豬腦燉玉竹, 包你食過認真舒服

(白):奀妹呀, 呢包豬肉就係你喇!
(白):啊, 唔該晒呀 Ha!
(白):記住第日再嚟幫襯咯噃!
(白):得喇! 擺拜!