《上海童年》

 　　　　 　　　　

今朝阿拉两噶头拿起一把木琴 　　　　

来唱唱阿拉一道经历过额童年 　　　　

男小歪请侬点好打火机 　　　　

小姑娘准备卫生巾擦眼泪

 　　　　 　　　　

六月里落雨是黄梅天 　　　　

踏脚踏车出去记牢带雨披 　　　　

到老虎灶泡冰水拖只热水瓶 　　　　

袋袋里藏了两角钱，还要一直摸摸伊

 　　　　 　　　　

十月一号男女同学看灯去 　　　　

人人拿只塑料榔头拼命敲来敲去 　　　　

想吃大闸蟹就要等到秋风起 　　　　

切好生姜拌好醋，用蟹脚蘸蘸伊

 　　　　 　　　　

玉佛寺烧头香一定是大年夜夜里， 　　　　

搓搓通宵麻将迎来新年第一天 　　　　

小朋友约好到楼下头放炮仗去 　　　　

心里想今年伐晓得好拿多少压岁钱

 　　　　 　　　　

一到春天就悉悉索索落毛毛雨 　　　　

谈朋友么地方，只好去外滩庇一庇 　　　　

情人墙一对对也是道好风景 　　　　

最吓拿子手电筒晃伐晃伐额联防队员

 　　　　 　　　　

到大光明电影院去孵冷气， 　　　　

盖好毛巾毯，防止打喷嚏 　　　　

一跑出来就看到对面肯德基 　　　　

帮大人讲我不吃只想进去，小个便 

　　　　 　　　　

每趟我走过红房子西餐厅 　　　　

馋唾水总归是落了嗒嗒滴 　　　　

我晓得就算我考着了第一名 　　　　

爸爸妈妈也不舍得带我去

 　　　　 　　　　

72家房客住了一幢房子里 　　　　

夜里听到怪声音是亭子间小夫妻 　　　　

我鼎要好额朋友爷娘不在伊身边 　　　　

伊讲伊是啥额――“知青子女”

 　　　　 　　　　

隔壁老张买了台14寸电视机 　　　　

搞不懂电视机前头为啥要摆个放大镜 　　　　

屏幕高头有雪花，就拿天线转转伊 　　　　

要是图像没了只好拿电视机敲两记

 　　　　 　　　　

（各就是阿拉额上海童年天天裁噶

有劲或许阿拉小辰光在人民广场见过面） 

美影厂额动画片感动了多少小人 　　　　

等西岳奇童下集等了几十年 　　　　

再大点就盯牢排球女将、西游记 　　　　

一个暑假下来，只好去配眼镜

 　　　　 　　　　

最欢喜听姚慕双周柏春的滑稽戏 　　　　

姚慕双就住了阿拉弄堂里 　　　　

帮我从小剃头剃到大的是个江北人 　　　　

一边夸我头大聪明，一边骂“妈辣个逼”

 　　　　 　　　　

大清早去读书轧了公交车里 　　　　

小姑娘要当心，有人会摸来摸去 　　　　

后来总算盼到了地铁一号线 　　　　

到今朝已经被“从”脱了十七八只新手机

 　　　　 　　　　

中学到中图门口去买轧片 　　　　

我再晓得搞摇滚额裁是帮神经病 　　　　

最老卵就是男同学们一道吃香烟 　　　　

大家凑钞票买包大前门，嗦嗦伊

 　　　　 　　　　

（各就是阿拉额上海童年天天裁噶

有劲或许阿拉小辰光来西郊公园见过面）

 　来我额印象里，妈妈一直了嗨织绒线 　　　　

要么就是我陪妈妈拆绒线让伊开心 　　　　

伊讲哎辰光买一台子菜用不着一块钱 　　　　

现在大概只好咬半根盐水棒冰

 　　　　 　　　　

四大金刚当早饭永远吃不厌 　　　　

粢饭配油条，咸浆里多摆点虾皮 　　　　

要是窝里有亲眷到上海住两天 　　　　

总要带伊拉去吃吃喷喷香额小笼生煎

 　　　　 　　　　

上海哪能就让人噶欢喜 　　　　

从静安到杨浦还有浦东新区 　　　　

有辰光稍许让人有点惹气 　　　　

但是就算蹲一辈子也不会觉着厌

 　　　　 　　　　

（这就是阿拉额上海童年天天裁噶

有劲或许阿拉小辰光在陆家嘴见过面这就是阿拉额上海童年天天哪能就噶有劲

或许阿拉小辰光在彭浦新村见过面）

 　　曾经一个玉树临风的摇滚青年 　　　　

现在也已经开始秃顶 　　　　

慢慢变成一个发福额摇滚中年 　　　　

来唱唱我的童年拨侬，随便听听

 　　　　 　　　　

要是侬没兴趣，就请出去吃香烟 　　　　

如果你也感动，就丢点硬币 　　　　

现在日脚是过了再也没老早轧有劲 　　　　

挺下来额就是阿拉这些长不大的上海小宁